Жүрмэдийн ЗАНАА- Нийгмийн нэрт зүтгэлтэн, улс төрийн төмөр хатагтай
2 жил, 1 сар өмнө

Монгол хүний эрх, үндэсний эрх ашгийг хамгаалах зорилготой “Иргэдийн Алъяанс төв”-ийн захирал.

Нийгмийн ухааны магистр, “Монголын эрх зүйн баримт бичгүүд дэх жендэрийн асуудлууд” сэдвээр докторант, Байт харвааны спортын мастер.

1972 онд Улсын багшийн дээд сургууль дүүргэсэн. Орос хэл, утга зохиолын багш, орос, англи хэлтэй.

1990- 1992 онд Улаанбаатар хотын Ардын хурлын депутатаар сонгогдон ажиллаж байсан.

Нийслэлийн 45, 50 дугаар сургууль, Улсын багшийн дээд сургууль, орос хэлний дээд сургуульд тус тус багшаар, Канад Монголын хамтарсан “Тэмүүжин менч” ХХК-д Чанарын тасгийн даргаар ажиллаж байсан.

Хүний эрх, эмэгтэйчүүдийн байгууллага, эмэгтэйчүүдийн оролцооны чиглэлээр Либерал эмэгтэйчүүдийн оюуны сан, Монгол Улсын Ерөнхийлөгчийн дэргэдэх Хүний эрх, иргэдийн оролцооны асуудлаарх зөвлөл, хүний эрхийн үндэсний комиссын орон тооны бус зөвлөл, Цэнхэр сүлд ТББ, Ардчиллын төлөө хамтын нийгэмлэгийн орнуудын олон улсын удирдах зөвлөл, Ази дахь Ардчиллын төлөө дэлхийн хөдөлгөөний удирдах зөвлөлийн гишүүн, Дэлхийн эмэгтэйчүүдийн сангийн зөвлөх, Оюу толгойн хяналт ТББ-ийн удирдах зөвлөлийн даргаар тус тус ажиллаж байсан.

2007 онд Нобелийн энх тайвны шагналд нэр дэвшсэн дэлхийн 1000 эмэгтэйн нэг.

Гавъяа шагнал: Алтан гадас, Хөдөлмөрийн гавъяаны улаан тугийн одонгоор шагнагдсан. 

Тэрээр Монголын эмэгтэйчүүдийн байгууллага үүсэж хөгжихөд үнэтэй хувь нэмэр оруулсан нийгмийн нэрт зүтгэлтэн, Монгол улсын эрх ашгийн төлөө тод дуугарч чаддаг улс төрийн төмөр хатагтай юм.

Харилцах мэдээллийн суваг: https://www.facebook.com/zanaa.jurmed