МОНГОЛД ҮЙЛДВЭРЛЭВ АЯЛАЛ #2 “Тавин Ус” эм, биологийн идэвхт бүтээгдэхүүний үйлдвэр
4 жил, 7 сар өмнө

Нью Медиа Маркетинг Компанийн санаачилгаар МОНГОЛД ҮЙЛДВЭРЛЭВ танин мэдэхүй, нөхөрлөлийн цуврал аялалыг зохион байгуулдаг. 2 дахь удаагийн аялал “Тавин Ус” эм, амин дэмийн үйлдвэр дээр боллоо. Аялал нь үндэсний үйлдвэрлэлээ дэмжиж олон нийтэд танилцуулах зорилгоор зохион байгуулагддаг бөгөөд хамгийн анхны аялалыг Багро үйлдвэрт болж байсан. “Тавин ус” үйлдвэр нь Монголын эмийн ургамалаар аминд дэм, биологийн амин дэм үйлдвэрлэгч компани юм. Та бүхэн бидний аялалын нэвтрүүлгийг үзэж үйлдвэрийн технологи болон дамжлагуудтай бүрэн танилцаарай.

Залуус бид амралтын өдрөө идэвхитэй өнгөрүүлж, танин мэдэхүйн мэдээлэлүүдээ олж авч хоорондоо танилцаж хамтран ажиллах үүд хаалгаа нээж авлаа. Монголд ийм үйлдвэр байдаг гэж бодоогүй, нүдээр үзэж байж л итгэлээ. Удахгүй нанотехнологийн үйлдвэр хөгжихөд гайхах зүйлгүй. Үйлдвэрээс харахад эм, аминдэмийн үйлдвэрлэл улам бүр хөгжиж байгаа бөгөөд Монгол орон нь эмийн ургамалаараа дэлхийд өрдөлдөхүйц бүтээгдэхүүн хийх цаг ойрхон байгаа нь харагдаж байсан.

Аяласан залуусаас твиттер ашигладаг нь эдгээр оролцогчид байв. @Luvsandorj @Ochbayare @bulgankhangai @Boldbaatar @ertnee @UlziisaihanA @KhandmaaB @jamuh999 @Narangargal @TavinUs

Жич: Эрхэм үндэсний үйлдвэрлэгч та залуус биднийг үйлдвэртээ урьж аялал зохион байгуулж болох бөгөөд мөн үндэсний үйлдвэрлэлээ дэмжигч монгол хүн та бидний аялалд хамрагдах боломжтой.

Вэбээс илүү мэдээлэл аваарай. http://tavin-us.mn