"Мандухай хатан эх үрс" гэр бүлийн боловсролын аян (2010 он)
"Мандухай Хатан" компани 20 жилийн ойгоо тохиолдуулан, Яруу сэтгэгч нэгдэлтэй хамтран нийгмийн сайн сайхны төлөө гэр бүлийн боловсролыг дэмжих хүмүүнлэгийн аяны хүрээнд, өсвөр насны сурагчидад үерхэл, нөхөрлөлийн зөв хандлага, залуу эцэг эхчүүдэд гэр бүлийн боловсрол олгох лекц, сургалтын аянг зохион байгууллаа. Аянд Яруу сэтгэгч нийгэмлэгийн тэргүүн Ж.Лувсандорж, гишүүн Т.Чимэддагва, Б.Норовсүрэн, БГД-ийн 14-р хорооны ОНХ Ц.Шийрэв нар дэмжиж оролцсон бөгөөд 30 гаруй сургуулийн 5000 гаруй сурагчид, 200 гаруй эцэг эхчүүдэд хүрч ажиллаа.
Өсвөр насны дүү нар маань ухаалаг үерхэж, зөв найзалж Монголын ирээдүй үр хойчис эсэн мэнд өсөн торниход хувь нэмрийг оруулж, дүү нартаа бид оюуны хөрөнгө оруулалт хийж ирээдүйд гарч болох алдаанаас урьдчилан сэргийлэхэд бага ч болов тусаллаа.
Мандухай хатаны үрс (Танд өсвөр насны дүү нартаа цаг гаргаж хэлэх үг байна уу?)
Нийслэлийн Эрүүл мэндийн газраас хийсэн судалгаагаар жилд дунджаар 15-16 мянган эх үр хөндөлт хийлгэдэг гэсэн тоо гарчээ. Энэ бол зөвхөн зөвшөөрөлтэй 21 эмнэлгт хийсэн судалгаа. Эрүүл ахуйн стандарт хангаагүй нөхцөлд мэргэжлийн бус хүмүүс үр хөндөлт хийж, хүний аминд хүрч, эрүүгийн хэрэгт татагдах нь ихсэж, үр хөндөж мөнгө олдог далд бизнес цэцэглэсээр.
Эрүүл мэндийн хөгжлийн үндэсний төвөөс 2007 онд гаргасан статистик мэдээллээр тухайн жилд 15817 эмэгтэй үр хөндүүлжээ. Энэхүү тоог насны хувьд ангилахад 25-29 насныхан 4045, 20-24 насныхан 3302,15-19 насныхан 982 байна. Эндээс харахад нөхөн үржихүйн ид насныхан үр хөндөлтийг "сонгож", насны хувьд залуужсан нь нэгийг хэлж, хоёрыг сануулах аж. Үр хөндүүлэгсэд залуужиж буй нь үндэстэнд хөнөөлтэй гэдэг. Тэгвэл энэ сөрөг үзэгдлийг бууруулахын тулд залуучууд, өсвөр үеийнхэнд дотно харилцааны талаар мэдлэг мэдээлэл өгөх нь зүйтэй болов уу. Бэлгийн боловсрол муутайгаасаа болоод өсвөр насныхан төдийгүй насанд хүрсэн эмэгтэйчүүд хүртэл хүсээгүй жирэмслэлт, халдварт өвчинтэй нүүр тулж, аборт бол хялбархан мэтээр ойлгож яваа хүн олон байна. Гэтэл анхны хүүхдээ авахуулснаас болоод насан туршдаа үр хүүхэдгүй шаналж яваа бүсгүйчүүд, тэр ч байтугай абортонд ороод саваа цоолуулаад нас барсан тохиолдол ч олон байна. Олон зуун хүүхдүүд дотно харилцааг тоглоом мэт ойлгосон, тийм хандлагаар өсөж торниж байна. Эцэг эхчүүд, багш нар, ах эгч бид нар дүү нартаа мэдлэг мэдээлэл бага өгч байгаагаас асуудал үүсэж байна.
Ер нь аборт бол хор уршигтай гэж сурталчилмааргүй, абортын талаар дурсахыг ч хүсэхгүй байна. Анхнаасаа л зөв зохистой харилцааны талаар мэдлэгтэй болчихвол ямар ч асуудал гарахгүй. Анхнаасаа л алдахгүй байвал, алдаа гарсны дараа яах вэ гэж халаглаж суухгүй. Хүн алдаж болохгүй зүйл гэж байдаг бол хэвлий доторхи үрдээ хүйтэн мэс бүү хүргэ л гэж хэлмээр байна. Сайхан бүсгүйн хийж болдоггүй зүйл, жинхэнэ эр хүний алдаж болдоггүй алдаа бол энэ л гэж хэлмээргүй байна.
Т.Чимэддагва: Мандухай хатны үрс аяны тухайд [Лавайн эгшиг фм] by Creative Mongolia on Mixcloud
Монголын ирээдүй болсон мянга мянган хүүхдэд ухаарал хайрлаж үзэсгэлэн гоо, цэцэн билэгт Мандухай хатаны үрс маш олон болтугай.
Видео мэдээ.
Жижиг дунд бизнес эрхлэгчидэд зориулсан сургалт, зөвлөх үйлчилгээний багц хөтөлбөр
ШИНЭ МЯНГАН, ШИНЭ ХАРАА, ШИНЭ ХӨГЖИЛ
Өөрийн чин зорилго тэмүүлэл, ур чадвар, үндэсний давуу талдаа тулгуурлан бизнесийн онч нүүдлээ хийж, боломжоо баялаг болгох ТАНЫ ЦАГ ИРЛЭЭ!
Бизнесээ хөгжүүлэх гэж байгаа танд, ажлаа хэрхэн оновчлох, хэрэглэгчийн эрэлтэнд нийцсэн зөв бүтээгдэхүүн хөгжүүлж, хэрхэн борлуулах, бүтээгдэхүүний давуу тал, агуулга, танилцуулга, сурталчилгааны мессежээ хэрхэн боловсруулах, багаа хэрхэн бүрдүүлэх, сошиал орчныг хэрхэн оновчтой ашиглах вэ гэсэн олон асуултууд тулгарсаар байна уу?
Тэгвэл олон бүтээгдэхүүн, үйлчилгээг зах зээлд гаргаж, бүтээлч төслийг амжилттай хэрэгжүүлсэн Creative Mongolia, Үндэстэн Багийн хамт олон таны асуултанд хариулж, амжилтанд хүртэл тань хамт байж зөвлөн дэмжиж, сургаж хөгжүүлэхээр БИЗНЕС НҮҮДЭЛ бодит туршлагад тулгуурласан эрчимжүүлсэн сургалтандаа урьж байна. Бид сургалтаас гадна таны бизнесийн онцлогт тохирсон зөвлөгөөг сарын турш өгч цаашид клуб болж хамтдаа мэдлэг, туршлагаа хуваалцаж хөгжүүлнэ.
#ТаныОлонАсуултынЭргэлзээЭндТайлагдана
Ерөнхий мэдээлэл | Хувийн хэвшлийнхэн, бизнесийн байгууллагууд хөгжлийн нэгэн үе шатанд хүрч дараагийн түвшинд дэвшин орох цаг хугацааны мөчлөг дээр ирээд байна. Угтан ирж буй сорилтыг ончтой, зөв уялдаа холбоотойгоор, баг хамт олны нэгдмэл хараа, зорилготойгоор алхан орж, бизнесийн нэн шинэ түүхийг бүтээх хэрэгцээ шаардлага бидний өмнө тулаад байна. Тиймээс бизнесийн байгууллагууд үзэл баримтлал, үйл ажиллагааны хувьд хурдтай шинэчлэн хөгжих онч мэдлэг, ур чадварыг эзэмшихэд чиглүүлэх сургалт, зөвлөгөө нэн хэрэгцээтэй байна. |
Хэнд зориулагдсан бэ | Жижиг дунд бизнес, суралцагч байгууллага, дараагийн шинэ түвшинд хөгжихөөр зорьж буй байгууллага хамт олонд болон удирдлагуудад зориулсан хөтөлбөр. Өөрийн чин зорилго тэмүүлэл, ур чадвар, туршлага, үндэсний давуу талдаа тулгуурлан бизнесийн онч нүүдлээ хийж, боломжоо баялаг болгох энэ цагийн эздэд! Бид таны асуултанд хариулж, амжилтанд хүртэл тань хамт байж зөвлөн дэмжиж, сургаж хөгжүүлэхээр БИЗНЕС НҮҮДЭЛ бодит туршлагад тулгуурласан эрчимжүүлсэн сургалт, хөгжлийн хөтөлбөрөө санал болгож байна. #БизнесийнШинэЭрин #ИхНэгдэл |
Хэрэгцээ шаардлага | Монгол компаниудыг сургаж хөгжүүлж, бойжуулж, хөлийг нь дөрөөнд, гарыг нь ганзаганд хүргэдэг тогтолцоо огт бүрэлдээгүй тул сургалт, зөвлөгөөнүүд нь армаг, тармаг, хэзээ юунд ашиглаад, ямар зорилгод хүрэх нь тодорхойгүй, гал унтраах, уриалгын шинжтэй явагдаж байгаа нь сул тал болж байна. Тэгвэл өнөөг хүртэл бүтээсэн өөрсдийн амжилтаа илүү бэхжүүлэх, баг хамт олныхоо амьдрал ахуйг илүү тэтгэх хүсэл мөрөөдөлтэй, сурж хөгжих эрмэлзлэлтэй байгууллагууд олон байна. Тэдний чухал хэрэгцээ шаардлага нь хамтдаа сурч хөгжих, ажил бизнесээ илүү сайн хийж сурах, бизнесээ зөв чиглүүлэн хөгжүүлэх хүсэлд нийцсэн, тэргүүн туршлагаа хурдтай хуваалцах боломжийг бүрдүүлсэн, өрсөлдөөн нэрээр салбараа унагаах биш уялдаа холбоотойгоор салбараа өргөхөд дэмнэх сургалт хөгжлийн тогтолцоо бүтэц, агуулга хэрэгцээтэй байна. |
Хөтөлбөрийн зорилго | Сургалт, зөвлөгөөгөөр дамжуулан монгол хүн, удирдагчид, баг хамт олныг хөгжүүлэн чиглүүлж, амжилтанд хөтлөх, аж ахуйн нэгж байгууллагуудын үйл ажиллагааг уялдуулан холбох, бизнесийнх нь зүг чигийг тодорхойлох, улмаар чадвартай удирдагчид, хамт олныг бэлтгэх замаар салбартаа түүчээлж, Улс эх орныхоо хөгжлийн тулгуур байгууллагуудыг хөгжүүлэхэд чиглэнэ. |
Сэдэв& агуулга |
|
Сургалтын аргазүй | 50% нь тоглоом, дасгал, оролцооны идэвхитэй арга, 50% нь лекц, онол, хэлэлцүүлэг. |
Хөтөлбөр, цаашдын уялдаа холбоо |
|
Үнийн санал | Бүртгэлээр танхимын сургалт 1 оролцогц: 150,000₮ (2 өдөр 16 цагийн сургалт, өдрийн хоол, цай багтсан) |
Байгууллагын сургалт: 1 удаагийн 2- 4 цагийн лекц сургалт 600,000₮ (хүний тоо заахгүй) Захиалагч тал заал танхимаа хариуцна. Цуврал байдлаар улиралын гэрээ байгуулж ажиллахад 10- 20% хөнгөлөлтөөр дэмжиж ажиллах боломжтой. | |
Нэгдсэн сургалт: 1 удаагийн 2- 8 цагийн лекц сургалт 1,000,000₮ (хүний тоо болон байгууллагын тоо заахгүй тул хамтарсан байдлаар зохион байгуулж болно. Орон нутагт бол томилолтын зардал багтаагүй болно) Жич: [Дээрх төлбөрт НӨАТ орсон] |
Та өөрийн болон байгууллагын танилцуулга мэдээллээ info@creativemongolia.com хаягаар илгээж сургалтанд бүртгүүлнэ үү. Таны мэдээллийг үндэслэн бид танд сургалт эхлэх хугацааг мэдэгдэх юм.
ИЛҮҮ ДЭЛГЭРЭНГҮЙ ХӨТӨЛБӨР, АГУУЛГЫГ 88028241, 90803655 утас болон info@creativemongolia.com хаягаар зурвас бичин харилцах боломжтой.
Танай байгууллагын сургалт хөгжлийн хэрэгцээ шаарлагыг тодорхойлох, сургалт хөгжлийн бодлого, төлөвлөгөө боловсруулахад бид зөвлөн туслаж хамтран ажиллах боломжтой.