СУВД БРЭНД

“Шинэ Амттан” ХХК-ны танилцуулга

Үүсгэн байгуулагч Г.ТУНГАЛАГ

“Шинэ Амттан” ХХК-ны захирал Г.Тунгалаг 1956 онд Хөвсгөл аймгийн Цэцэрлэг суманд төрсөн. 1979 онд МУИС-ыг Хими, Биологийн мэргэжлээр, 1983 онд ОХУ-д бүтээгдэхүүний стандарт, чанарын удирдлагын инженерийн мэргэжилтнээр, 1990 онд Стандартчилалын мэргэжил дээшлүүлэх курст тус тус суралцсан.

-1979-1982 онд Мөрөн хотын 1-р 10 жилийн сургуульд хими, биологийн багш,

-1982-2000 онд Аймгийн Хүнсний үйлдвэрт чанарын удирдлагын инженер, лабораторийн инженер, мастер,

-2000-2008 онд “Есөн амттан” талхан цехийг байгуулж ажилласан

-2008-2013 онд “Шинэ Амттан” ХХК-ийг үүсгэн байгуулж, захирлаар ажиллаж байна.

ТАНИЛЦУУЛГА

Манай компани нь анх 2002 онд “Есөн амттан” талхны цех нэртэйгээр 3 ажилчинтай байгуулагдаж, жилд 30.5 сая төгрөгийн талх, талхан бүтээгдэхүүн үйлдвэрлэж байсан бол 2008 онд “Шинэ амттан” ХХК болж шинээр төрөл бүрийн жимсний чанамал, жимсний өтгөрүүлсэн шүүс гэх мэт бүтээгдэхүүнүүдийг үйлдвэрлэн, 15 хүнийг ажлын байраар хангаж, жилд 300 гаруй сая төгрөгийн үйлдвэрлэл явуулж байсан бол өнөөдрийн байдлаар төрөл бүрийн бялуу, хэвийн боов, еэвэнг баяр ёслолийн үеэр үйлдвэрлэн борлуулж байгаагаас гадна жимс, жимсгэний бүтээгдэхүүн тогтмол үйлдвэрлэн Хөвсгөлд орон нутагтаа, мөн Эрдэнэт, Дархан Улаанбаатар хотуудад нийлүүлж сүлжээ дэлгүүрүүдээр борлуулж байна.

Манай компани нь талх, талхан бүтээгдэхүүн, төрөл бүрийн жимсний бүтээгдэхүүн үйлдвэрлэсэн олон жилийн туршлагатай бөгөөд аймаг, сумын төдийгүй бүс нутгийн хэмжээнд зохион байгуулагддаг үзэсгэлэн худалдаанд тогтмол оролцож, зарим бүтээгдэхүүн маань шилдэг бүтээгдэхүүнээр шалгарч байсан.

Тухайлбал:

·“Илчлэг” хивэгтэй бор талх 2003, 2005, 2006, 2008 оны Аймгийн “Шилдэг бүтээгдэхүүн”, “Шилдэг брэнд” бүтээгдэхүүнээр шалгарч байсан.

·“Жимсний өтгөрүүлсэн шүүс” нь 2010 онд Хоймор нутгийн хэрэглэгчдэд таашаагдсан бүтээгдэхүүн, 2011 онд Аймгийн “Шилдэг бүтээгдэхүүн”-ээр Намрын ногоон өдрүүд эко бүтээгдэхүүнээр тус тус шалгарч байсан.

Бүтээгдэхүүн, үйлчилгээ, технологи:

Бүтээгдэхүүний түүхий эдийн танилцуулга, бүтэц

Нэрс жимс: Манай орны ихэнх уулархаг нутагт жишээлбэл Завхан, Хөвсгөл, Өвөрхангайд буюу Хангайн нурууны шувтарга, Булган Увсын ханхөхий Хархираагийн уул Архангай, Сэлэнгийн баруун, зүйн хойд хэсэгт нилээд нөөцтэй. Нэрс нь 25-40 см өндөртэй цайван ногоон өнгийн, мөлхөө үндэслэн иштэй жимс нь 6 сарын сүүлчээр үндэслэж 40-50 хоногт боловсорч гүйцнэ.Ойн ба тагийн бүсийн шилмүүст ой, бургасан шугуй ширэнгэтэй газар ургана. Нэрс жимсээр манай Хөвсгөл “Шинэ Амттан” ХХК нь “ХӨХ СУВД” Нэрсний чанамал, “ХӨХ ДУСАЛ” Нэрсний өтгөрүүлсэн шүүс тус тус үйлдвэрлэж зах зээлд нийлүүлж байна. Төсөл хэрэгжснээр бүтээгдэхүүнээ боловсронгуй болгож Нэрсний жүүс, Нэрсний цай үйлдвэрлэдэг болно.

Аньс жимс: 10-30см өндөр мөлхөө үндэслэг иштэй олон салаалсанн мөчиртэй мөн ногоон навчтай сөөгөнцөрийг алирс гэж нэрлэдэг. Алирс 5 дугаар сард цэцэглэж 9 сард жимс нь боловсорно. Аньс нь С витамин ихтэй ханиад уушигны үрэвслийг анагаахад нэн тустай. Аньс жимсийг гараар болон гар комбайнаар түүж болно. Цусны даралт, ханиад, Элэг устах, Бөөр өрөвсөх үед хэрэглэвэл нэн тустай жимс юм.

Манай “Шинэ Амттан” ХХК-нь “ХӨХ СУВД” аньсны чанамалыг үйлдвэрлэн зах зээлд нийлүүлж байгаа бөгөөд хэрэглэгчдийн гол таашаагддаг бүтээгдэхүүн юм.

Үхрийн нүд жимс: 1-2м өндөр, бут хэлбэрийн сөөг ургамал, 5,6 дугаар сард цэцэглэж 8 дугаар сард жимс нь боловсроно. C, B, PP, A витамин, төмөр, кали, нимбэг болон бусад органик хүчлүүдийг агуулдаг бөгөөд чийгтэй байранд суудаг хүмүүс хэрэглэвэл чийг бамын өвчнөөс сэргийлнэ. Ходоодны хүчил ихдэх багадах, цусны даралт ихсэх, томуу өвчин, суулгалтыг зогсооход хэрэглэж болох жимс юм.

Чацаргана жимс: Олон витамин амин дэмээр баялаг жимс бөгөөд тариалж ашиглах боломжтой жимс юм. Монгол, Түвдийн эмнэлэгт чацарганыг хүний биеийн бодисын солилцоо алдагдах, цус алдах элэг уушиг, гэдэс дотрын өвчинд шүүсийг чийг бамын эмчинд өргөн хэрэглэж иржээ.

Манай “Шинэ Амттан” ХХК-нь чацарганын тос, мөн чацаргын өтгөрүүлсэн шүүс, жүүс зэргийг үйлдвэрлэн зах зээлд нийлүүлэх боломжтой байна.

Гишүүнэг буюу айраг: Гишүүнэг буюу айраг хангайн болон төвийн бүсийн аймгуудад өргөн тархацтай ургадаг 6 сард боловсорч гүйцдэг бөгөөд жимс бус ургамал ангилалд ордог болно. Гишүүнэг буюу айраг нь олон төрлийн витаминаар баялаг бөгөөд хүний биеийн хорт хавдрын эсийн эсрэг үйлчилгээтэй болохыг америкийн эрүүл мэндийн байгууллагаас баталсан байдаг.

https://www.facebook.com/SuvdBrand/