Содовсүрэнгийн НАРАНГЭРЭЛ- Хуульч, нийгмийн нэрт зүтгэлтэн
Монгол улсын шинжлэх ухааны гавьяат зүтгэлтэн, хууль зүйн шинжлэх ухааны доктор (Sc.D), профессор, Япон улсын Нагояагийн их сургуулийн хүндэт доктор, академич С.Нарангэрэл
МУИС-ийн зөвлөх профессор Содовсүрэнгийн Нарангэрэл нь Монголын хууль зүйн боловсрол, шинжлэх ухааны төдийгүй нийгмийн зүтгэлтний нэг мөн. Тэрбээр МУИС-ийг 1975 онд дүүргээд төрөлх сургуульдаа багшаар ажиллаж, монголын хуульчдад дээд боловсрол олгох үйлсэд ухамсарт амьдралаа зориулсан сурган хүмүүжүүлэгч хүн. С.Нарангэрэл нь дээд боловсролыг мэргэжил, арга зүйгээр удирдах үйлсэд хүчин зүтгэж, 1991-1992 онд Улсын Бага Хурлын дэргэдэх Төр, нийгэм судлалын Академийн дэд захирал, 1999-2010 онд МУИС-ийн Хууль зүйн сургуулийн захирлаар ажиллажээ.
С.Нарангэрэл нь манай улсын хууль зүй судлалын нэрт эрдэмтдийн нэг. Тэрбээр монголын хуульч эрдэмтдийн дундаас анх удаа Монгол улсын ШУА-ын жинхэнэ гишүүнээр 2000 онд сонгогджээ. Академич С.Нарангэрэлийн “Хууль зүйн англи-монгол-орос толь” (1994), “Монголын ба дэлхийн эрх зүйн тогтолцоо” (2001), “Правовая система Монголия.., Москва” (2004), “Legal system of Mongolia., Japan, Nagoya University” (2004), “Эрх зүйн эх толь бичиг” (2007, 2008, 2011), “Монголчуудын зан суртахууны гарваль” (2010), “Хууль зүйн англи-монгол-эх толь” (2012), “Чингис хааны сүр хүч” (2013), “Чингис хааны ёс суртахуун эрх зүйн шастир” (2014), “Монголын эрх зүйн эх толь бичиг /дөрөв дэх хэвлэл/(2015) зэрэг олон бүтээл нь нийтийн хүртээл болжээ. Түүний бичсэн бичсэн “Монгол улсын эрх зүйн тогтолцооны удиртгал” ном англи, орос, хятад, япон, герман хэлнээ орчуулагджээ. С.Нарангэрэлийн удирдлагаар 20 шахам хүн хууль зүйн шинжлэх ухааны болон боловсролын докторын зэрэг хамгаалснаас ОХУ, БНХАУ-ын иргэд байгаа болно. 2004 онд түүнд Япон улсын Нагояагийн Их Сургууль хүндэт доктор цолоо олгожээ. 2008 онд Монгол улсын шинжлэх ухааны гавъяат зүтгэлтэн цол хүртээжээ.
Академич С.Нарангэрэл 1992-1996 онд УИХ-ын гишүүнээр сонгогдон, эрх зүйн шинэчлэлийг хэрэгжүүлэх үйлсэд хувь нэмрээ оруулжээ. Тэрбээр мөн Улаанбаатар хотын ерөнхий Прокурорын орлогч, Улсын Ерөнхий прокурорын туслах бөгөөд шүүн таслах ажиллагаанд хяналт тавих хэлтсийн дарга, Монголын өмгөөлөгчдийн Холбооны ерөнхийлөгч зэрэг хууль сахиулах төв ба орон нутгийн байгууллагын удирдах ажилтнаар ажиллажээ.
Академич С.Нарангэрэл нь манай улсын хууль зүйн дээд боловсрол, шинжлэх ухаан, хууль сахиулах байгууллагын зүтгэлтэн билээ.
Боловсрол
Сургуулийн нэр | Элссэн, төгссөн он | Эзэмшсэн мэргэжил |
МУИС-ийн Хуулийн анги | 1971-1975 | Хуульч |
ЗХУ-ын Бүх холбоотын хууль зүйн эрдэм шинжилгээний хүрээлэнгийн эчнээ аспирантур | 1985-1988 | Хууль зүйн ухааны дэд эрдэмтэн |
АНУ, Япон, ОХУ, Сингапур зэрэг улсад сургалтад хамрагдан мэргэжил дээшлүүлсэн. |
Ажил, хөдөлмөр эрхлэлт
Ажилласан байгууллага | Албан тушаал | Ажилласан хугацаа |
МУИС-ийн салбар эрх зүй судлалын тэнхим | Багш, орлогч эрхлэгч, | 1975 |
Улаанбаатар хотын ерөнхий прокурорын газар | ерөнхий прокурорын орлогч | |
Улсын ерөнхий прокурор | прокурорын туслах прокурор бөгөөд хэлтсийн дарга | |
Засгийн газрын дэргэдэх Төрийн бодлого, нийгмийн асуудал судлах төв | эрдэм шинжилгээний ахлах ажилтан | |
Улсын бага хурлын дэргэдэх төр, нийгэм судлалын Академи | Дэд захирал | 1991-1992 |
Монгол Улсын Их Хурал | Гишүүн | 1992-1996 |
МУИС, Хууль зүйн сургууль | Багш | 1996-1997 |
Монголын Өмгөөлөгчдийн холбоо | Ерөнхийлөгч | 1997-2002 |
МУИС-ийн Хууль зүйн сургууль | Захирал | 1999-2010 |
Японы Нагояагийн их сургууль | Зочин профессор | 2004 |
МУИС-ийн ХЗС | профессор | 2010 оноос |
Академич С.Нарангэрэлийн бүтээлийн жагсаалтын товчлол
- Монголын ба дэлхийн эрх зүйн тогтолцоо” Уб., 2001 он
- Амьд эрх зүй. Эргэцүүлэл, сургамж, эрэлхийлэл” Уб., 2002 он
- Монголын эрх зүйн тогтолцооны удиртгал” Уб., 2003 он
- “Legal System of Mongolia” Nagoya University., 2004 он
- Правовая система Монголии” МГИМО, Москва-Улан-батор. 2004
- “Einführung in das mongolische Recht” Ulan-Bator, 2005
- Англи-Монгол хууль зүйн тайлбар толь” Уб., 2006
- Эрх зүйн эх толь бичиг” Анхны хэвлэл. Уб., 2007 он
- Эрх зүйн эх толь бичиг” Хоёр дахь хэвлэл. Уб., 2008 он
- “ Зохиогчийн эрхийн тулгуур асуудал” Уб., 2008
- Монголчуудын зан суртахууны гарваль” Уб., 2010 он
- Эрх зүйн эх толь бичиг” Гурав дахь хэвлэл. Уб., 2011 он
- Монгол улс дахь эрх зүйн боловсрол: үүсэл, хөгжил, чиг хандлага” Уб., 2011 он
- Хууль-зүйн Англи-Монгол эх” Уб., 2012.
- Чингис хааны сүр хүч” Уб., 2013 он
- Чингис хааны шастар” Уб., 2014
- Ёс суртахууны цагаан толгой” Уб., 2015
- Монголын эрх зүйн эх толь бичиг” Дөрөв дөхь хэвлэл. 2015 он
Энэхүү жагсаалтад академич С.Нарангэрэлийн зөвхөн2001 оноос хойш нийтийн хүртээл болгосон судалгаа, эрдэм шинжилгээний нэг сэдэвт бүтээл, толь, бичиг, номыг оруулсан болно.
Эх сурвалж: http://law.num.edu.mn/uc/181/1...
Видео мэдээ.
Жижиг дунд бизнес эрхлэгчидэд зориулсан сургалт, зөвлөх үйлчилгээний багц хөтөлбөр
ШИНЭ МЯНГАН, ШИНЭ ХАРАА, ШИНЭ ХӨГЖИЛ
Өөрийн чин зорилго тэмүүлэл, ур чадвар, үндэсний давуу талдаа тулгуурлан бизнесийн онч нүүдлээ хийж, боломжоо баялаг болгох ТАНЫ ЦАГ ИРЛЭЭ!
Бизнесээ хөгжүүлэх гэж байгаа танд, ажлаа хэрхэн оновчлох, хэрэглэгчийн эрэлтэнд нийцсэн зөв бүтээгдэхүүн хөгжүүлж, хэрхэн борлуулах, бүтээгдэхүүний давуу тал, агуулга, танилцуулга, сурталчилгааны мессежээ хэрхэн боловсруулах, багаа хэрхэн бүрдүүлэх, сошиал орчныг хэрхэн оновчтой ашиглах вэ гэсэн олон асуултууд тулгарсаар байна уу?
Тэгвэл олон бүтээгдэхүүн, үйлчилгээг зах зээлд гаргаж, бүтээлч төслийг амжилттай хэрэгжүүлсэн Creative Mongolia, Үндэстэн Багийн хамт олон таны асуултанд хариулж, амжилтанд хүртэл тань хамт байж зөвлөн дэмжиж, сургаж хөгжүүлэхээр БИЗНЕС НҮҮДЭЛ бодит туршлагад тулгуурласан эрчимжүүлсэн сургалтандаа урьж байна. Бид сургалтаас гадна таны бизнесийн онцлогт тохирсон зөвлөгөөг сарын турш өгч цаашид клуб болж хамтдаа мэдлэг, туршлагаа хуваалцаж хөгжүүлнэ.
#ТаныОлонАсуултынЭргэлзээЭндТайлагдана
Ерөнхий мэдээлэл | Хувийн хэвшлийнхэн, бизнесийн байгууллагууд хөгжлийн нэгэн үе шатанд хүрч дараагийн түвшинд дэвшин орох цаг хугацааны мөчлөг дээр ирээд байна. Угтан ирж буй сорилтыг ончтой, зөв уялдаа холбоотойгоор, баг хамт олны нэгдмэл хараа, зорилготойгоор алхан орж, бизнесийн нэн шинэ түүхийг бүтээх хэрэгцээ шаардлага бидний өмнө тулаад байна. Тиймээс бизнесийн байгууллагууд үзэл баримтлал, үйл ажиллагааны хувьд хурдтай шинэчлэн хөгжих онч мэдлэг, ур чадварыг эзэмшихэд чиглүүлэх сургалт, зөвлөгөө нэн хэрэгцээтэй байна. |
Хэнд зориулагдсан бэ | Жижиг дунд бизнес, суралцагч байгууллага, дараагийн шинэ түвшинд хөгжихөөр зорьж буй байгууллага хамт олонд болон удирдлагуудад зориулсан хөтөлбөр. Өөрийн чин зорилго тэмүүлэл, ур чадвар, туршлага, үндэсний давуу талдаа тулгуурлан бизнесийн онч нүүдлээ хийж, боломжоо баялаг болгох энэ цагийн эздэд! Бид таны асуултанд хариулж, амжилтанд хүртэл тань хамт байж зөвлөн дэмжиж, сургаж хөгжүүлэхээр БИЗНЕС НҮҮДЭЛ бодит туршлагад тулгуурласан эрчимжүүлсэн сургалт, хөгжлийн хөтөлбөрөө санал болгож байна. #БизнесийнШинэЭрин #ИхНэгдэл |
Хэрэгцээ шаардлага | Монгол компаниудыг сургаж хөгжүүлж, бойжуулж, хөлийг нь дөрөөнд, гарыг нь ганзаганд хүргэдэг тогтолцоо огт бүрэлдээгүй тул сургалт, зөвлөгөөнүүд нь армаг, тармаг, хэзээ юунд ашиглаад, ямар зорилгод хүрэх нь тодорхойгүй, гал унтраах, уриалгын шинжтэй явагдаж байгаа нь сул тал болж байна. Тэгвэл өнөөг хүртэл бүтээсэн өөрсдийн амжилтаа илүү бэхжүүлэх, баг хамт олныхоо амьдрал ахуйг илүү тэтгэх хүсэл мөрөөдөлтэй, сурж хөгжих эрмэлзлэлтэй байгууллагууд олон байна. Тэдний чухал хэрэгцээ шаардлага нь хамтдаа сурч хөгжих, ажил бизнесээ илүү сайн хийж сурах, бизнесээ зөв чиглүүлэн хөгжүүлэх хүсэлд нийцсэн, тэргүүн туршлагаа хурдтай хуваалцах боломжийг бүрдүүлсэн, өрсөлдөөн нэрээр салбараа унагаах биш уялдаа холбоотойгоор салбараа өргөхөд дэмнэх сургалт хөгжлийн тогтолцоо бүтэц, агуулга хэрэгцээтэй байна. |
Хөтөлбөрийн зорилго | Сургалт, зөвлөгөөгөөр дамжуулан монгол хүн, удирдагчид, баг хамт олныг хөгжүүлэн чиглүүлж, амжилтанд хөтлөх, аж ахуйн нэгж байгууллагуудын үйл ажиллагааг уялдуулан холбох, бизнесийнх нь зүг чигийг тодорхойлох, улмаар чадвартай удирдагчид, хамт олныг бэлтгэх замаар салбартаа түүчээлж, Улс эх орныхоо хөгжлийн тулгуур байгууллагуудыг хөгжүүлэхэд чиглэнэ. |
Сэдэв& агуулга |
|
Сургалтын аргазүй | 50% нь тоглоом, дасгал, оролцооны идэвхитэй арга, 50% нь лекц, онол, хэлэлцүүлэг. |
Хөтөлбөр, цаашдын уялдаа холбоо |
|
Үнийн санал | Бүртгэлээр танхимын сургалт 1 оролцогц: 150,000₮ (2 өдөр 16 цагийн сургалт, өдрийн хоол, цай багтсан) |
Байгууллагын сургалт: 1 удаагийн 2- 4 цагийн лекц сургалт 600,000₮ (хүний тоо заахгүй) Захиалагч тал заал танхимаа хариуцна. Цуврал байдлаар улиралын гэрээ байгуулж ажиллахад 10- 20% хөнгөлөлтөөр дэмжиж ажиллах боломжтой. | |
Нэгдсэн сургалт: 1 удаагийн 2- 8 цагийн лекц сургалт 1,000,000₮ (хүний тоо болон байгууллагын тоо заахгүй тул хамтарсан байдлаар зохион байгуулж болно. Орон нутагт бол томилолтын зардал багтаагүй болно) Жич: [Дээрх төлбөрт НӨАТ орсон] |
Та өөрийн болон байгууллагын танилцуулга мэдээллээ info@creativemongolia.com хаягаар илгээж сургалтанд бүртгүүлнэ үү. Таны мэдээллийг үндэслэн бид танд сургалт эхлэх хугацааг мэдэгдэх юм.
ИЛҮҮ ДЭЛГЭРЭНГҮЙ ХӨТӨЛБӨР, АГУУЛГЫГ 88028241, 90803655 утас болон info@creativemongolia.com хаягаар зурвас бичин харилцах боломжтой.
Танай байгууллагын сургалт хөгжлийн хэрэгцээ шаарлагыг тодорхойлох, сургалт хөгжлийн бодлого, төлөвлөгөө боловсруулахад бид зөвлөн туслаж хамтран ажиллах боломжтой.