Чойбалсан БУЯНБАДРАХ- Аялал жуулчлалын зөвлөх
12 жил, 3 сар өмнө

Аялал жуулчлалын зөвлөх, Монголын аялал жуулчлалын салбарын шинэ хөгжлийг түүчээлэгч, багш, "Монгол орны лавлах", "Аялал жуулчлалын лавлах" номын зохиогч.
"Монголиан гайд тур" компаний захирал;

Монголын аялал жуулчлалын салбарт 2000 оноос хойш ажилласан 20 жилийн баялаг туршлагатай. Аяллын хөтөч, менежер бэлтгэх, хөдөө орон нутагт аялал жуулчлал хөгжүүлэх маркетинг, аялал жуулчлалын боловсрол олгох чиглэлээр 100 орчим сургалтыг амжилттай зохион байгуулсан.

МЗХ, Next stop клуб, Хүннү-Атилла судлалын сан зэрэг ТББ-д нарийн бичгийн дарга, ерөнхийлөгч, гүйцэтгэх захирал гэх мэт албан тушаалыг хашиж ирсэн бөгөөд аливаа хамт олныг удирдан зохион байгуулах чадвар нь эдүгээ тус компанийг урагшлуулах хүч болдог.

Аялал жуулчлалын салбарт анх удаа хувийн хэвшлийн “жуулчны мэдээллийн төв”-ийг байгуулан төр засгийн дэмжлэггүйгээр 10 жил удирдан ажиллаж Монгол оронд зочилсон 200 мянга орчим жуулчинд Монголын тухай, Монголд хэрхэн аялах тухай зөвлөгөө мэдээллийг хүргэсэн ба тус үйлчилгээний чиглэлээр олон арван залуучуудыг туршлагажуулж чадваржуулсан.

Гадаадын жуулчдыг Монгол орноор аялуулах үйл ажиллагааг 14 жил зохион байгуулсан бөгөөд жуулчдын зан чанар, Монголд юуг зорилго болгон аялдаг, ямар сэтгэл ханамж авдаг, юунд гомдоллодог гэх мэт олон асуудалд мэдлэг туршлага хуримтлуулсан байдаг нь аялал жуулчлалын бизнес, аялал жуулчлалын сургалтыг амжилттай зохион байгуулахад томоохон тулгуур болдог.

Мөн Япон, Тайланд, Солонгос, Тайвань, Вьетнам, Камбожи, Хонконг, Улаан-Үд, Манжуур, Утай, Гүмбэн, Ордос, Бээжин, Жанжиажэ, Индонез, Сингапур, Малайз, Макао гэх мэт аялал жуулчлалыг амжилттай хөгжүүлж буй улс орон, бүс нутгуудаар аялах, хурал зөвлөгөөнд оролцох, сургалт зохион байгуулах, төсөл хөтөлбөр хэрэгжүүлэх, монгол жуулчдад газарчлах гэх мэтээр идэвхтэй ажиллаж ирсэн нь Монголын аялал жуулчлалын салбарын хүний нөөцийг сургах, орон нутагт аялал жуулчлалын зөвлөхөөр ажиллахад чухал мэдлэг туршлага болдог. Эдүгээ Японы их сургуульд нэмэлт зэрэг олгох хөтөлбөрт онлайнаар суралцаж байна. Мөн Дорнод аймгийн “Дорнод Аялал Жуулчлалын Нэгдэл”-ийн зөвлөхөөр ажиллаж байна.

    • Аялал жуулчлалын багш 
    • Япон хэлний орчуулагч
    • Тур лидер 
    • Аялал жуулчлалын зөвлөх 
    • Судлаач, нийтлэлч
    • Веб хөгжүүлэгч
    • Төсөл, хөтөлбөрийн зохион байгуулагч 
    • Хэл шинжлэлийн магистр 
    • Аялал жуулчлалын докторант

Холбоо барих мэдээлэл
https://www.mongolianguideschool.com
http://www.touristinfocenter.mn

ХЭРЭГЖҮҮЛСЭН ТӨСЛИЙН ҮЙЛ АЖИЛЛАГААНЫ ТОВЧ

    • 2020 он 7 сар,  Өвөрхангай аймгийн Есөнзүйл сумын “Бурхан бумын орон” энергийн төв, аялал жуулчлалын мастер төлөвлөгөө
    • 2020 он 1 сар, Дорнод аймгийн аялал жуулчлалын үндсэн маршрутыг хөгжүүлэх мастер төлөвлөгөө 
    • 2019 он, Дорнод аймгийн Байгаль орчин, аялал жуулчлалын газар, “Дорнод-Аялал жуулчлалын нэгдэл”-тэй хамтран  “Дорнод аймгийн Аялал жуулчлалын маршрут ба аялал жуулчлалын бүтээн байгуулалт” хээрийн судалгаа ба дүгнэлт
    • 2018 он, “Хэнтий аймгийн Аялал жуулчлалын мастер төлөвлөгөө боловсруулах” төсөл
    • 2018 он, Орос – Монгол – Хятадын ХАҮТ-ын хурал, “Монголын зүүн бүсийн аялал жуулчлалын нөхцөл байдал” илтгэл хэлэлцүүлэг
    • 2018 он, “Wonder travel – 2018” дотоод, гадаад аялал жуулчлалын үзэсгэлэн
    • 2017 он, Улаанбаатар хотын аялал жуулчлалын газрын зураг боловсруулах төсөл
    • 2017 он, “Монгол орны лавлах” номын 3 дахь хэвлэлт
    • 2017 он, БНИУ дахь Монголын ЭСЯ-тай хамтран Жакарта хотод “Монголын аялал жуулчлалын мэдээллийн төв” байгуулах төслийн ерөнхий зөвлөх, хамтран гүйцэтгэгч
    • 2015 он, МӨАУМХ-той хамтран “Тайпэй - ОУ-ын өрхийн эмч нарын чуулга уулзалт”-д оролцох Монголын төлөөлөгчдийн аялал
    • 2014 он, “ӨМӨЗО, Авга хошуу, Шилийн гол аймаг, Шулуун хөх хошуу, Хөх хот, Ордос дахь Чингис хааны түүх, XIII – XY зууны монголчуудын түүхэнд холбогдох газар”  судалгааны аялал
    • 2013 он, МЗХ, БНАСАУ-ын Аялал жуулчлалын газрын төлөөлөгч E & A ХХК-тай хамтран “Монгол улс ба БНАСАУ-тай дипломат харилцаа тогтоосны 65 жилийн ой”-д зориулсан  Хүннү Айр-ын чартер нислэгтэй аяллын баг зохион байгуулах төсөл
    • 2012 он, Монгол орны баруун бүсийн аяллын маршрутын судалгаа (4600 км)
    • 2010, 2009, 2008 он, “Аялал жуулчлалын бүсийн орчны хог хаягдлыг цэвэрлэх аян”
    • 2009 он, Монголын зүүн өмнөд ба өмнөд бүсийн аялал жуулчлалын маршрутын судалгаа (2450 км)
    • 2008 он, Монгол орны төв болон хойд бүсийн аяллын маршрутын судалгаа  (2100 км)
    • 2007 он, Монгол орны зүүн бүсийн аяллын маршрутын судалгаа  (920 км)