"Өргөө" кино театр тасалбар түгээх журмаа сайжруулж, үйлчилгээний чанартаа анхаарна уу
Сая 3 тасалбар захиалах гээд очлоо.19:10 цагийн үед. Тасалбар түгээгч нь надаас цаг асуугаагүй, 19.20 юм байна гэж бодоод биччихэж, Цагийг нь лавлан харсан чинь 19:20 гэсэн байлаа.
21.40-р солиулах гэсэн тасалбар түгээгч нь уурлаад, билет гарнаас шүүрээд л, би өрөнд орохоор болчлоо, цагийг чинь асууж бичүүлээ биз дээ гэх мэт тасалбараасаа хэтэрсэн олон үг хэлж загнаж дайрч байна. Тасалбарынхаа цагийг солиулж авах гэж баахан загнуулж зүхүүллээ. Тасалбар түгээгч надаас цагаа асуулгүйгээр, рефлексээрээ одооны киног үзэх гэж байгаа юм байна гэж бодоод л биччих ж лээ. Олон хүнтэй харилцаж байгаа болохоор надаас цаг асуусан гэж бодож байгаа байх. Тэгээд шууд намайг гүтгэж байгаан, чамаас цагийг чинь асуугаа биз, чи бараг л тэнэг юм уу гэж байна. Ийм санамсаргүй алдаа алийг тэр гэхэв.
Санал:
1. Тасалбарын цагийг солиулах бол жирийн нэг үйлчилгээ. Тухайн сольсон тасалбарыг дараагийн хүнд шилжүүлэх, эсвэл тасалбар нь байгаа учир түүнийгээ ахлахдаа үзүүлж тайлбарлах гэх мэтээр шийдэж болох байх. Харин саяны хандлага шиг хэрвээ тасалбар түгээгч цаг буруу бичээд тэр тасалбараараа өрөнд ордог бол Өргөө кино театр тасалбар түгээх журамаа өөрчлөх хэрэгтэй байх гэж бодож байна. Би тэнд хэн нэгний алдаанаас болж загнуулж зүхүүлэх гэж очоогүй. Зүгээр л тасалбараа аваад, киногоо тайван сайхан үзээд гарах гэж л очдог.
2. Үйлчилгээний ажилтаныхаа хөгжил, соёлд анхаарал тавих хэрэгтэй. Үйлчлүүлэгчийг хүн гэж хардаггүй мөнгө гэж хардаг. Хүний санал хүсэлтийг сонсож, мэдэрч харилцдаггүй, хувийн зан араншингаа заалаар нэг гаргадаг баймааргүй байна. Мөн байгууллагын зүгээс ажилтаныхаа хөгжилд анхаарч харилцах арга барил, хүлээцтэй сонсох чадвар, стресс бухимдалаа тайлах арга барилд сургах хэрэгтэй.
3. Үйлчилгээний ажилтанаа зүгээр л мөнгө хураадаг хүн гэж харж болохгүй. Үйлчлүүлэгчээ сонсдог, санал хүсэлтийг тогтмол мэдэрч үйл ажиллагаандаа тусгадаг байвал танай байгууллагын үйл ажиллагаа л сайжирна. Баахан реклам сурталчилгаа хийгээд, яг яваад очихоор үйлчилж байгаа буюу яг эцсийн хэрэглэгчидэд хүргэж байгаа цэг дээр ажиллаж байгаа хүмүүс нь ийм байж болохгүй. Байгууллага ажилчиддаа анхаарал тавьж, амралт, стрессийг нь зохицуулж, оюунд нь тодорхой хэмжээний хөрөнгө оруулж байвал тухайн байгууллагын амжилтанд сайнаар нөлөөлнө. Ажилтандаа оруулсан хөрөнгө тань танай ашгийг хэд дахин нэмж чадна. Ажилтандаа сургалт авахаас харамласан хэдэн төгрөг чинь тэр мөнгөнөөсөө хэд дахин их алдагдалыг ч авчирж болно.
4. Үйлчилгээний ажилтан нэрээ зүүсэн байх ёстой. Ямар ч нэр байхгүй байсан болохоор хэн гэдгийг нь мэдэхгүй. Нэрийг нь асуухад чамд хамаагүй гэсэн хандлагатай байсан.
Жич: Монголын нэг ч гэсэн үйлчилгээний байгууллага хэрэглэгчидтэй зөв сайхан харилцаж, үйлчилгээний чанараа сайжруулаасай, үйлчилгээний чанар гэдэг бол хананд өлгөсөн өргөмжлөл, шар дарцаг биш гэдгийг ойлгоосой, ажилтаныхаа хөгжилд анхаарал хандуулаасай, ажилтан бол байгууллагын гол баялаг гэдгийг ойлгоосой, хэрэглэгчээ бүү алдаасай гэдэг үүднээс энэ саналыг бичлээ. Урлаг соёлыг түгээх сайхан үйлсд тань амжилт хүсье.
Видео мэдээ.
Жижиг дунд бизнес эрхлэгчидэд зориулсан сургалт, зөвлөх үйлчилгээний багц хөтөлбөр
ШИНЭ МЯНГАН, ШИНЭ ХАРАА, ШИНЭ ХӨГЖИЛ
Өөрийн чин зорилго тэмүүлэл, ур чадвар, үндэсний давуу талдаа тулгуурлан бизнесийн онч нүүдлээ хийж, боломжоо баялаг болгох ТАНЫ ЦАГ ИРЛЭЭ!
Бизнесээ хөгжүүлэх гэж байгаа танд, ажлаа хэрхэн оновчлох, хэрэглэгчийн эрэлтэнд нийцсэн зөв бүтээгдэхүүн хөгжүүлж, хэрхэн борлуулах, бүтээгдэхүүний давуу тал, агуулга, танилцуулга, сурталчилгааны мессежээ хэрхэн боловсруулах, багаа хэрхэн бүрдүүлэх, сошиал орчныг хэрхэн оновчтой ашиглах вэ гэсэн олон асуултууд тулгарсаар байна уу?
Тэгвэл олон бүтээгдэхүүн, үйлчилгээг зах зээлд гаргаж, бүтээлч төслийг амжилттай хэрэгжүүлсэн Creative Mongolia, Үндэстэн Багийн хамт олон таны асуултанд хариулж, амжилтанд хүртэл тань хамт байж зөвлөн дэмжиж, сургаж хөгжүүлэхээр БИЗНЕС НҮҮДЭЛ бодит туршлагад тулгуурласан эрчимжүүлсэн сургалтандаа урьж байна. Бид сургалтаас гадна таны бизнесийн онцлогт тохирсон зөвлөгөөг сарын турш өгч цаашид клуб болж хамтдаа мэдлэг, туршлагаа хуваалцаж хөгжүүлнэ.
#ТаныОлонАсуултынЭргэлзээЭндТайлагдана
Ерөнхий мэдээлэл | Хувийн хэвшлийнхэн, бизнесийн байгууллагууд хөгжлийн нэгэн үе шатанд хүрч дараагийн түвшинд дэвшин орох цаг хугацааны мөчлөг дээр ирээд байна. Угтан ирж буй сорилтыг ончтой, зөв уялдаа холбоотойгоор, баг хамт олны нэгдмэл хараа, зорилготойгоор алхан орж, бизнесийн нэн шинэ түүхийг бүтээх хэрэгцээ шаардлага бидний өмнө тулаад байна. Тиймээс бизнесийн байгууллагууд үзэл баримтлал, үйл ажиллагааны хувьд хурдтай шинэчлэн хөгжих онч мэдлэг, ур чадварыг эзэмшихэд чиглүүлэх сургалт, зөвлөгөө нэн хэрэгцээтэй байна. |
Хэнд зориулагдсан бэ | Жижиг дунд бизнес, суралцагч байгууллага, дараагийн шинэ түвшинд хөгжихөөр зорьж буй байгууллага хамт олонд болон удирдлагуудад зориулсан хөтөлбөр. Өөрийн чин зорилго тэмүүлэл, ур чадвар, туршлага, үндэсний давуу талдаа тулгуурлан бизнесийн онч нүүдлээ хийж, боломжоо баялаг болгох энэ цагийн эздэд! Бид таны асуултанд хариулж, амжилтанд хүртэл тань хамт байж зөвлөн дэмжиж, сургаж хөгжүүлэхээр БИЗНЕС НҮҮДЭЛ бодит туршлагад тулгуурласан эрчимжүүлсэн сургалт, хөгжлийн хөтөлбөрөө санал болгож байна. #БизнесийнШинэЭрин #ИхНэгдэл |
Хэрэгцээ шаардлага | Монгол компаниудыг сургаж хөгжүүлж, бойжуулж, хөлийг нь дөрөөнд, гарыг нь ганзаганд хүргэдэг тогтолцоо огт бүрэлдээгүй тул сургалт, зөвлөгөөнүүд нь армаг, тармаг, хэзээ юунд ашиглаад, ямар зорилгод хүрэх нь тодорхойгүй, гал унтраах, уриалгын шинжтэй явагдаж байгаа нь сул тал болж байна. Тэгвэл өнөөг хүртэл бүтээсэн өөрсдийн амжилтаа илүү бэхжүүлэх, баг хамт олныхоо амьдрал ахуйг илүү тэтгэх хүсэл мөрөөдөлтэй, сурж хөгжих эрмэлзлэлтэй байгууллагууд олон байна. Тэдний чухал хэрэгцээ шаардлага нь хамтдаа сурч хөгжих, ажил бизнесээ илүү сайн хийж сурах, бизнесээ зөв чиглүүлэн хөгжүүлэх хүсэлд нийцсэн, тэргүүн туршлагаа хурдтай хуваалцах боломжийг бүрдүүлсэн, өрсөлдөөн нэрээр салбараа унагаах биш уялдаа холбоотойгоор салбараа өргөхөд дэмнэх сургалт хөгжлийн тогтолцоо бүтэц, агуулга хэрэгцээтэй байна. |
Хөтөлбөрийн зорилго | Сургалт, зөвлөгөөгөөр дамжуулан монгол хүн, удирдагчид, баг хамт олныг хөгжүүлэн чиглүүлж, амжилтанд хөтлөх, аж ахуйн нэгж байгууллагуудын үйл ажиллагааг уялдуулан холбох, бизнесийнх нь зүг чигийг тодорхойлох, улмаар чадвартай удирдагчид, хамт олныг бэлтгэх замаар салбартаа түүчээлж, Улс эх орныхоо хөгжлийн тулгуур байгууллагуудыг хөгжүүлэхэд чиглэнэ. |
Сэдэв& агуулга |
|
Сургалтын аргазүй | 50% нь тоглоом, дасгал, оролцооны идэвхитэй арга, 50% нь лекц, онол, хэлэлцүүлэг. |
Хөтөлбөр, цаашдын уялдаа холбоо |
|
Үнийн санал | Бүртгэлээр танхимын сургалт 1 оролцогц: 150,000₮ (2 өдөр 16 цагийн сургалт, өдрийн хоол, цай багтсан) |
Байгууллагын сургалт: 1 удаагийн 2- 4 цагийн лекц сургалт 600,000₮ (хүний тоо заахгүй) Захиалагч тал заал танхимаа хариуцна. Цуврал байдлаар улиралын гэрээ байгуулж ажиллахад 10- 20% хөнгөлөлтөөр дэмжиж ажиллах боломжтой. | |
Нэгдсэн сургалт: 1 удаагийн 2- 8 цагийн лекц сургалт 1,000,000₮ (хүний тоо болон байгууллагын тоо заахгүй тул хамтарсан байдлаар зохион байгуулж болно. Орон нутагт бол томилолтын зардал багтаагүй болно) Жич: [Дээрх төлбөрт НӨАТ орсон] |
Та өөрийн болон байгууллагын танилцуулга мэдээллээ info@creativemongolia.com хаягаар илгээж сургалтанд бүртгүүлнэ үү. Таны мэдээллийг үндэслэн бид танд сургалт эхлэх хугацааг мэдэгдэх юм.
ИЛҮҮ ДЭЛГЭРЭНГҮЙ ХӨТӨЛБӨР, АГУУЛГЫГ 88028241, 90803655 утас болон info@creativemongolia.com хаягаар зурвас бичин харилцах боломжтой.
Танай байгууллагын сургалт хөгжлийн хэрэгцээ шаарлагыг тодорхойлох, сургалт хөгжлийн бодлого, төлөвлөгөө боловсруулахад бид зөвлөн туслаж хамтран ажиллах боломжтой.