Сүүлийн жилүүдэд дэлхий даяар аялах сонирхолтой жуулчдын тоо өсч байгаа нь аялал жуулчлалын салбарт эерэг уур амьсгалыг авчраад байгаа билээ. Европын орнуудад л гэхэд 10 евро бүрийн 1 нь жуулчдаас олсон орлогод тооцогддог байна. Жил бүр хамгийн их жуулчин очдог орнууд юу вэ? Үүнийг тооцохдоо нисэх онгоцны тасалбарын борлуулалт болоод бэлэг дурсгалын худалан авалт, худалдаа хийсэн байдал зэрэг хэд хэдэн хүчин зүйлсийг хамааруулан гаргадаг байна. 

1. Франц улс

Дэлхийн хамгийн романтик хот гэдгээрээ үеийн үед гадаадын жуулчдыг татсаар ирсэн Парис хот алдарт Эйффелийн цамхаг, Гэгээн дарь эхийн сүм, Ялалтын хаалга, Луврын музейгээрээ сая сая жуулчдыг алмайруулсаар байгаа билээ. Жил бүр ойролцоогоор 83 сая жуулчид Франц улсыг зорин очдог. Үүний 1.5 сая нь Хятад жуулчид байдаг бол үлдсэн жуулчдын ихэнх нь Орос, Бразил, Япон зэрэг улсаас ирдэг байна. 

2. Америкийн нэгдсэн улс

Ширэнгэн ой мэт шилэн барилгууд дунд түм түжигнэж, бум бужигнасан Нью-Йорк, Лос Анжелас,  Лас Вегас хотоос эхлээд АНУ-д үзэх зүйл олон. Тус улсын нийт 29 мужид аялал жуулчлалын чиглэлээр ажиллагсдын тоо хамгийн өндөр байдаг. Америкийн нэгдсэн улсыг жил бүр 74.8 сая жуулчид зорьдог. Эдгээрийн ихэнх нь Мексик, Канад, Англи зэрэг орнуудаас ирдэг байна.

3. Испани улс

Испани улсын дотоодын нийт бүтээгдэхүүний 11% нь аялал жуулчлалын салбараас бүрддэг. Жил тутам ойролцоогоор 65-70 сая жуулчид Испанийн үзэсгэлэнт газруудыг үзэхээр ирдэг. Ихэвчлэн Англи, Франц, Итали, Герман зэрэг улсын жуулчид Испанийн түүхэн хотууд болох Барселона, Мадрид зэргийг сонирхохын зэрэгцээ Испани улсын өвөрмөц, соёл заншлыг бахдан буцдаг. Тус улсын нийт 13 хот нь Юнескогийн соёлын өвд бүртгэлтэй гэдгээрээ алдартай.

4. Англи улс

Англи улсын нийслэл Лондон хотод л гэхэд өнгөрсөн оны байдлаар 31.5 сая жуулчид зочилсон бол цаашид 2020 он гэхэд энэхүү тоо 35 хувиар өсөх магадлалтай байна. Хатан хааны төрсөн өдөр болон олимп зэрэг спортын наадмын үеэр Англи улсыг зорих жуулчдын тоо эрс өсдөг байна. Тус улс аялал жуулчлалын салбараас жил бүр 18 тэр бум долларын ашиг олдог.

5. Хятад улс

Цагаан хэрмийн эх нутаг болсон Хятад улсад Шаолины сүм, Гуангшоу усан хүрхрээ, Ариун дагшин уулс гээд үзэх газар нутаг мөн л олон. Байгаль болон соёлын өвөрмөц бүтэцтэй Хятад улсыг зорих жуулчны тоо олон. Жил бүр 55,6 сая гадны жуулчид Хятал улсад очдог. Дэлхийн худалдааны төв байгуулагдсан нь Хятад улс руу очих жуулчдыг тоог улам ихэсгэж байгаа ба 2020 он гэхэд Хятад улс аялал жуулчлалын салбараар дэлхийд тэргүүлдэг болох магадлал маш өндөр байна.

Мэдээний огноо: 2017 оны 6- сар

Аялал, жуулчлалын орлогоор тэргүүлдэг 10 улс

Европын аялал, жуулчлалын товчооноос өнгөрсөн жил ашиг орлогоороо тэргүүлсэн арван улсыг нэрлэжээ. Эдгээр улсын тоонд Ази тивээс БНХАУ багтсан юм.

АНУ

АНУ жилд 100 гаруй тэрбум ам.долларыг аялал, жуулчлалын бизнесээс олдог байна. Тус улсад жилд 35 сая жуулчин ирдгээс 31 сая нь Лас-Вегасыг зорьдог ажээ.

Испани улс

Шашны уламжлалт баяр, ёслол, үзэсгэлэнт далайн эргийн амралтаараа алдартай Испани улс аялал, жуулчлалын салбараас 61,6 тэрбум ам.долларын ашиг олжээ. Испани улсын эдийн засгийн үндсэн суур нь аялал, жуулчлалын бизнес юм.

Франц улс

Франц улс аялал, жуулчлалын салбараас жилд 55,6 тэрбум ам.долларын ашиг олдог байна. Тус улсад жилд 79 сая жуулчин дэлхийн өнцөг булан бүрээс ирж Францын түүх, соёлын дурсгалыг үзэж танилцдаг ажээ. Жуулчдын тоогоор дэлхийд гуравдугаарт ордог байна

Итали улс

Итали улс Соёлын гайхалтай төвүүд, уламжлалт хоол, загварын ордон, далайн эргийн амралтын газраа түшиглэсэн Итали улсын аялал, жуулчлалын салбар өнгөрсөн жил 45,7 тэрбум ам.долларын ашигтай ажиллажээ.

Италийн 44 дурсгалыг дэлхийн соёлын өвд бүртгэсэн юм.  Хятад улс Хятад улсад өнгөрсөн жил 50 сая жуулчин зочилжээ. Жуулчдын очихыг хүсдэг орны жагсаалтын дөрөвдүгээрт бичигддэг. Тус улс аялал, жуулчлалаас 40,8 тэрбум ам.долларын ашиг олжээ.

Герман улс

Алтан шаргал элс, далайн эргээр хүрээлүүлээгүй ч Герман улс жилд 40 тэрбум ам.долларын ашиг олдог аж. Жил бүр Герман улсыг 25 сая жуулчин зорин ирдэг байна.

Их Британи

Британийн арлыг жилд 56 сая жуулчин зорьдог аж. Эдгээр жуулчнаас 36 тэрбум ам.долларын ашиг олсон байна. Энэ улсын нийслэл Лондон хот жуулчдынхаа тоогоор дэлхийд хоёрдугаарт ордог юм.

Австрали улс

Австрали улсын аялал, жуулч лалын салбар 24,7 тэрбум ам.дол ларын ашиг олжээ. Хүрэхэд хол, тээврийн хэрэгслийн сонголт багатай ч энэ улс онгон зэрлэг байгалиа олон улсад зөв сур талчилсны ачаар жил бүр 25 тэрбум ам.долларын ашиг олдог аж.

Турк улс

Хамгийн олон тэнгисээр хү рээлүүлсэн Турк улс аялал, жуулч лалын салбараас 2013 онд 22 тэрбум ам.долларын ашиг олжээ. Турк улс Газрын дундад тэнгисийн өвөрмөц байгаль, эртний Грекийн үеийн хот суурины тууриараа алдартай юм. Энэ улсад 2000 онд найман сая жуулчин ирсэн бол өнгөрсөн жил 40 сая жуулчин хүлээн авчээ.

Австри улс

“Альпийн нурууны сувд” гэгддэг Австри улс аялал, жуулчлалаас 21,8 тэрбум ам.долларын ашиг олсон байна.

Х.Заяа (Зууны мэдээ) 2014 оны 11 сар