Suicide
12 жил, 5 сар өмнө

Өнөөдөр Suicide буюу амиа хорлолттой холбоотой мэдээ уншлаа. www.usatoday.com сайт дээр нийтлэгдсэн бичлэг. Би уг нь иймэрхүү сэдэв уншиж, бичиж, анхаарал хандуулахыг хүсдэггүй ээ. Гэхдээ яагаад ч юм хүний алтан амьтай, тэр тусмаа ирээдүй болсон өсвөр насныхны тухай байсан болохоор уншчихлаа. Тэгээд уншиж байх зуур өөрийн эрхгүй хэдэн бодол толгойд эргэлдээд, бичихгүй бол санаа амардаггүй ээ. 14 настай хүү сургууль дээрээ дээрэлхүүлж, гадуурхагдсанаас \бэлгийн сонирхолоосоо болж\ болоод амиа хорлосон байгаа юм. Гомо буюу бидний нэрлэдгээр ижил хүйстэн хүү. 

 Лос Анжелес, Сан Франциско \ижил хүйстний гэрлэлтийг хүлээн зөвшөөрдөг\ хотуудад бол гомо, лесби хүмүүсийг хүлээн зөвшөөрчихсөн байдаг болоод ч тэр үү, иргэд нь энэ төрлийн хүмүүсийг ойлгож хүлээж авдаг. Харин АНУ- н зүүн эргийн хотууд хуучинсаг үзэлтэй хотууд байдаг юм шиг санагддаг юм. Сүүлийн 2 жилд энэ төрлийн гэмт хэрэг өсвөр насны хүүхдүүдийн дунд нэмэгдээд байгаа нь энэ улсын томоохон асуудлуудын нэг болж байх шиг байна. 

 Их хүн их зовлонтой гэгчээр, улс орон хөгжихийн хэрээр асуудал нь ч улам нэмэгддэг жамтай. Сүүлийн үед Монголд ч бас иймэрхүү хүмүүс ихээр үзэгдэх болсон. Бид ч бас энэ талаар мэдлэгээ нэмж байхгүй бол энэ төрлийн гэмт хэрэг гарахгүй гэх үндэслэлгүй л болоод байна. Энэ замыг хүн өөрөө сонгодоггүй хойно эдэнд ямар буруу байгаа аж. 

Энэ улсад ахлах сургуулийн хүүхдүүдийн дунд нэгнийгээ дээрэлхэх, арьс өнгө, шашин шүтлэг, бэлгийн сонирхолоор нь гадуурхах үзэгдэл их байдаг болтой. Ер нь тэгээд эрх чөлөөг дээдэлсэн орон гээд зарим нэг асуудал дээр арай л хэт эрх чөлөөтэй болчихсон юм байгаан. 

 

Таны эрх чөлөө бусдын эрх чөлөөгөөр хязгаарлагдана. 

Хүн бүр амьд явах эрхтэй.