Монголын сайхан дууны үгнүүд
3 жил, 4 сар өмнө

Хүмүүн заяаны өлгий

Үг. Д.Сосорбарам Ая. С.Энхтайван

Уртын дууны тансаг аялгуу

Талаа дүүрэн шуранхайлна

Ухаант ээжүүдийн амгалан харц

Танхилхан үрсээ аргадаастай яа

Дахилт: Аргалын утаандаа ариусдаг

Хулангийн сүүтэй говь мину

Адууны хиймориор хөглөгддөг

Хуурын цэнхэр хангай мину

Ажнай хөлгийн омголон төвөргөөн

Уудам хөндийг доргиулна

Ачлалт аавуудын эрэмгий зан

Ухааны минь чагтагыг бөхөлнө

Дахилт: Номин зэрэглээ нь тунаран

Тахийн унага үүрссэн говь мину

Бугын урамдаандаа уясдаг

Буян нь дэлгэрүүн хангай мину

Ихэс дээдсийн гэгээн үйлс

Дундаршгүй домгийг нь хорвоо биширнэ

Эцэг өвгөдийн минь мөнхийн тавилан

Дэлхийн дээвэрт ааграхна

Дахилт: 2 Зүрх сэтгэл омогшуулан

Зүйдэлгүй тэнгэрийн дор мөнхөрнө

Хөлгийн туурайн доор энхэжсэн

Хүмүүн заяаны өлгий мину.